پەیمانگەها کوردستان یا داهێنانێ (KII) ب ڕێڤەبەرایەتیا (د. ئازاد نەجار زاخۆیی) ڕابووینە ب بەرهەڤکرنا پڕۆژەیەکێ مەزن و گرنگ بۆ باژێرێ زاخۆ، ئەوژی دروستکرنا چەندین (توربین)ــان ل سەر ئەوان بەنداڤێن د خابیرێ زاخۆ دا هاتینە دروستکرن، مەرەم ژ دروستکرنا ئەڤان توربینان ئەوە هێزا ئاڤێ بهێتە گوهورین بۆ هێزا کارەبێ، هەتا ڕادەیەکێ باش باژێر دێ هێزا کارەبێ ژ ڤی پڕۆژەیی وەرگریت و گەلەک مفا دێ گەهیتە ژینگەها دەوروبەر، د دەستپێکێ دا دێ ئێک توربین هێتە دەینان و پاشان د قوناغێن داهاتوویی دا دێ ل هەمی بەنداڤێن خابیری هێنە دەینان.
هەژییە بێژین؛ ئەڤ پڕۆژە ژلایێ سەرپەرشتێ  ئیدارا سەربەخۆیا زاخۆ بەرێز (گوهدار شێخۆ)ڤە دهێتە پشتەڤانیکرن و کاروبارێن وان دهێنە ڕێکخستن.
بۆ سەرپەرشتیکرنا پڕۆژێ ناڤبری، کۆلیژا ئەندازیاری ل زانکۆیا زاخۆ سێ ئەندازیار بۆ سەرپەرشتیکرنا پڕۆژەیی دەستنیشانکرینە ئەوژی بەرێزان (د. شڤان عبدالوەهاب) ئەندازیار (عبدالواحد جبار صالح) ئەندازیار (دلوڤان محسن حاجی) و دگەل  ئەندازیارێن ئیدارا سەربەخۆ و دوو ئەندازیارێن زانکۆیا دهۆک.